GIPASIDUNGGAN ang LGU CDO ubos sa administrasyon ni Mayor Rolando “Klarex” Uy sa Department of Health-Center for Health Development sa rehiyon 10 tungod sa paghatag og kasigurohan sa limpyo nga tinubdan sa tubig pinaagi sa pagpalambo sa City Memorial Park o kanhi Bolonsiri Public Cemetery.

 

Ang pasidungog gidawat ni memorial park focal person Sol P. Mosqueda kinsa mirepresentar kang Engr. Armen Cuenca, ang hepe sa City Local Environment and Natural Resources Office (CLENRO), ug Architect Magnolia A. Caballero sa City Engineer's Office adlaw’ng Biyernes, Nobyembre 18 atol Regional Harmonized Awarding.

 

 

Nasayran nga usa sa tumong sa rehabilitation sa City Memorial Park ang pagluwas sa groundwater gikan sa posibleng kontaminasyon tungod sa ‘formaldehyde’ nga gikan sa duga sa lawas sa tawo ug sa pormalin nga gigamit niini sa pag-embalsamar sa patay’ng lawas.

 

Kahinumdoman nga halos 40 ka tuig na nga ga-operate ang Bolonsiri cemetery diin dili moubos sa 1,200 ang gilubong matag tuig. (ACM/Photos by REYNAN BAYLIN/CIO)