LIBRENG wifi connectivity sa Gaston Park ang matagamtaman sa katawhan ning syudad atol sa pagbukas sa ‘Festival of Lights’ karong bulan sa Disyembre.

 

Kini human mibisita ang mga kadagkoan sa PLDT sa pagpangulo ni Vice President for Mindanao Benbrackie Melasa; Robert W. Suzon, kinsa mao usab ang Business Head sa Northern Mindanao; kauban ang Senior Relationship Manager nga si Khass Navales sa buhatan ni Mayor Klarex karong adlawa, Nobymebre 24.

 

Atol sa courtesy visit sa PLDT Mindanao, ilang gipadayag ang ilang suporta sa administrasyon ni Mayor Klarex pinaagi sa paghatag og libre’ng wi-fi connectivity sa pagbukas sa ‘Festival of Lights’ alayon sa kasaulogan sa pasko. (ACM/Photos by RHOEL CONDEZA/CIO)