Mapaubsanon nga gihangyo ni Mayor Klarex Uy ang mga ambulant vendors nga unta dili nila sayangon ang kahigayonan nga gihatag kanila sa kagamhanan sa syudad aron makapamaligya.

“Ayaw ninyo sayanga ang kahigayonan kay kung naay dili mosunod sa balaod ug maghimo og kagubot dili ko na gayud hatagan og higayon nga makapamaligya”.

 

Kini ang pasidaan ni Mayor Rolando `Klarex’ Uy ngadto sa ikaduhang grupo sa mga sidewalk vendors atol sa ikaduha’ng adlaw sa orientation ug raffling sa puwesto nga ilang gibalhinan.

Si Mayor Klarex mipasabot nga kalinaw ang iyang gusto ug mao kini ang iyang ibalos kung ugaling adunay mga tawo nga mohimo og kagubot kung sila ibalhin.

 

Alayon niini, subling gihangyo sa mayor ang mga sidewalk vendors nga sabton ang desisyon nga pagpabalhin kanila kay alang man kini sa kaangayan ug kaayohan sa katawhan ug dili sa pipila lang. (ALR/CIO/Photo by Jomar Figuracion/CIO)