Friday, 25 November 2022 23:41

RAINFALL, WATER GAUGING STATIONS, FLOOD FORECASTING SYSTEM TUKORON

Written by
SUGDAN na sa dili madugay ang pagtukod ug pagpalambo sa mga Flood Forcasting and Warning system (FFWS) for Cagayan de Oro River Basin human mibisita sa buhatan ni Mayor Rolando “Klarex” Uy ang mga personahe sa Philippine Atmospheric, Geophysical and Astronomical Services Administration (PAGASA) kauban ang City Disaster Risk Reduction and Management Department (CDRRMD).
Ang maong proyekto inabagan sa JICA Grant Aid Project ug usa ang Cagayan de Oro nga benepisyaryo niini.
 
Sa pakighinabi ni Ms. Oyie Pagulayan sa PAGASA Central Office kang Mayor Klarex, iyang gipasabot nga lakip sa iplastar ug tukoron sa PAGASA ang network sa rainfall ug water level gauging stations, ingon man duha ka X-Band Radar stations sa mga strategic locations sa Cagayan de Oro River Basin nga maghatag og sakto ug accurate nga hydrological information labina nga ang tributaries niini mao ang Cagayan de Oro river.
 
Gani man, hatagan usab ang CDRRMD sa FFWS software ug ekipo lakip router, voice communications, operating console ug display terminal alang sa mga data nga makuha sa mga stations.
 
Subay niini, gikalipay ni Mayor Klarex ang maong proyekto sanglit dako kini og ikatabang aron malikay ang katawhan sa posibleng kadaut sa kinabuhi ug mga kabtangan tungod sa kalamidad ilabina sa baha.
Basi sa PAGASA, posibleng 2 hangtud 3 ka bagyo ang makaapekto sa Cagayan de Oro sugod sa bulan sa Disyembre hangtud sa 1st quarter sa tuig. (ACM-CIO/Photos by Aicy Soriano-CMO)