Nagpahigayon bag-ohay lang ang kagamhanan sa dakbayan pinaagi sa Office for Community Affairs (OCA) pinangulohan ni department manager Oliver Egypto ug assistant manager Cyril W. Ranile og duha ka adlaw nga strategic planning sa may Chali Beach Resort and Convention Center.

 

Ang kalihukan gisalmotan sa giilang mga volunteer champions gikan sa lokal nga kagamhanan, nagkadaiyang ahensya sa gobyerno-nasyonal, ingon man barangay officials ug community-based organizations.

Tuyo sa kalihukan nga mapadayag ang nagkadaiyang mga ideya ug plano kalabot sa hisgutanan mahitungod sa local volunteerism ug citizenship development.

 

Mihatag usab sa iyang mensahi pagpasalamat si Director Donald James Gawe, ang Executive Director sa Philippine National Volunteer Coordinating Agency kun PNVSCA. (AMTB/CIO Photos by OCA)