MALAMPUSONG gipahigayon kagahapon Disyembre 1 sa City Health Insurance Office uban sa hugot nga suporta sa Philippine Health Insurance Corporation (Philhealth -X) ug kagamhanan sa barangay Lumbia ang Philhealth Konsultasyong Sulit at Tama (KonSulTa) ‘on-site mass registration, updating & profiling’ sa Lumbia infirmary KonSulTa provider.

 

Ang Philhealth KonSulTa program tipik lang sa pagpatuman sa Universal Health Care Law diin hugot usab nga gisuportahan ni Mayor Rolando ‘Klarex’ Uy, sanglit usa ang Cagayan de Oro sa mga advanced integration sites niini.

Atol sa maong aktibidad, 354 ang narehistro sa programa, diin naglangkob kini sa 186 ka Philhealth members ug 168 ka ‘dependents’.

 

Mokabat usab sa 174 ka mga tawo ang mipaubos sa ‘profiling’ ug 72 ang nagpa-konsulta.

 

Dumduman ubos sa administrasyon ni Mayor Klarex, pormal nga gibuksan isip KonSulTa provider ang Lumbia infirmary, Carmen health center, Nazareth health center ug City Health Office, ug Lapasan health center. (AGP/Photos by CHIO)