Friday, 02 December 2022 04:10

MAYOR KLAREX MITAGANA OG P280M ALANG SA CITY SCHOLARS SA TUIG 2023

Written by
USA sa mga priority agenda sa administrasyon ni Mayor Klarex Uy ang paghatag og pagtagad sa edukasyon ilabina sa mga estudyante nga interesado ug buot makatapos sa kolehiyo.
 
Tungod niini, mitagana og P280 milyones si Mayor Klarex alang sa scholarship program sa Cagayan de Oro aron makabenepisyo sa programa ang target niini nga 10,000 city scholars sunod tuig.
 
Kasamtangang adunay kapin 8,000 ka mga city scholars ang nakapahimulos sa libre’ng pagtuon sa mga colleges ug universities ning syudad, ug adunay kahigayonan nga makalampos ug makab-ot ang ilang mga pangandoy sa kinabuhi.
 
Matud ni Mayor Klarex, atol sa 2022 CDO Education Summit karong adlawa, lakip sa iyang tutokan ang pagtukod og dugang classrooms, diin kompleto na kini sa instructional materials alang sa malangkubong kasinatian sa pagtuon sa mga estudyante.
 
Kini naglakip na sa black and white boards with side storage, mounted projector nga adunay roll-up screen, sound system, desktop nga adunay mobile cabinet, 45 ka armchairs nga adunay mini-locker, lima ka armchairs for left-handed learners, aduna usab kini fire alarm system ug sprinkler sa matag classroom. (ACM/Photos by JAY ARANCON/CIO)