GIPASIDUNGGAN ni City Mayor Rolando "Klarex" Uy ug mga opisyal sa city hall ang duha ka mga boksidor sa Cagayan de Oro City Amateur Boxing Team tungod sa ilang mga kalampusan nga naangkon sa gisalmotan nga managlahing kompetisyon didto gawas sa nasud.

 

Ang duha ka mga boksidor nga gipahalipayan ni Mayor Klarex atol sa pagpakayab sa nasudnong bandila Lunes sa buntag sa city hall quadrangle mao sila si Tokyo Olympic boxing silver medalist Carlo Paalam ug ang iyang sumusunod nga Ronel Suyom, kauban si Team CdeO Boxing Team head coach Elmer Pamisa ug city sports coordinator Romarey Gorro.

 

Kahinumduman nga nakuha ni Paalam ang gold medal sa ASBC Asian Elite Boxing Championships 2022 didto sa Amman, Jordan human nagmadaugon sa men's 54kg bantamweight finals kontra kang Makhmud Sabyrkhan sa Kazakhstan.

Samtang, silver medal usab ang naangkon ni Ronel Suyom sa iyang labing una nga international boxing exposure atol sa 2022 IBA Youth World Boxing Championships didto sa Lanucia, Spain sa miaging bulan. (IAF/CIO)