Sunday, 22 January 2023 01:14

BRGY MAMBUAYA NAKABENEPISYO SA ‘KLAREX NGA SERBISYO SA BARYO’ KARONG ADLAWA

Written by
Libuan ka mga katawhan ang nakapahimulos sa pinakaunang Klarex nga Serbisyo sa Baryo karong tuig 2023 nga gipahigayon sa Brgy. Mambuaya adlaw’ng Sabado, Enero 21.
 
Kauban ni Mayor Rolando “Klarex Uy ang tanang buhatan sa city hall dala ang mga serbisyo niini aron mapasayon ang pag-alagad diin tumong sa mayor nga mapaduol ang gobyerno sa katawhan.
 
Matud ni Maypr Klarex sugod sa Pebrero ning tuig ipahigayon na matag Sabado ang Klarex nga Serbisyo sa Baryo sa mga barangay sa una ug ikaduhang distrito ning syudad sa tinguha nga maabot gayud ang tanang katawhan sa Cagayan de Oro.
 
Misalmot usab ang pipila ka mga buhatan sa national agencies ingon man non-government ug civic organizations. (GB/Photos by REYNAN BAYLIN/CIO)