Hilabihan ang kalipay ug pagpasalamat sa 375 ka mga trainees ngadto sa administrasyon ni Mayor Klarex Uy human mitapos sa ilang pagtuon sa Cagayan de Oro Technical Vocational Institute karong adlawa, Enero 26 diha sa may CDO-TVI campus sa Barangay Agusan ning dakbayan.

 

Sa mensahe ni Konsehal Suzette Magtajas Daba, chairperson sa Education Committee sa konseho ning dakbayan, gidasig niini ang mga migradwar nga ipadayon ang ilang pagkugi, sanglit anaa gayud ang kagamhanan sa pagpanguna ni Mayor Klarex Uy ug ang konseho sa syudad nga motabang ug mosuporta kanila.

 

Nasayran nga kini ang pinakaunang batch nga migradwar ilawom sa administrasyon ni Mayor Klarex Uy.

 

Ang mga kursong natapos sa mga tinun-an naglakip na sa Electrical Installation and Maintenance NC I and II, Shielded Metal Arc and Welding NC I & II, Housekeeping NC I & II, Barangay Health System, Plumbing ug Heavy Equipment Operator (Forklift).

 

 

Misaksi usab sa maong 7th graduation ceremony sila si City Councilor George Goking; City Councilor Maria Lourdes Gaane; Dr. Alicia Anghay, ang Executive Director sa Local School Board, ug representante gikan sa TESDA Regional Office ug mga kadagkuan sa CDO-TVI.

 

Nasayran nga gikan sa pagkatukod sa CDO-TVI kaniadtong tuig 2018, kapin liboan na ka mga trainees ang nakatibawas ug natabangan pinaagi sa libreng pagtuon sa CDO-TVI. (GB/CIO/photos by Kim Zaldivar)