KAPIN 40 ka kliyente sa Bahay Pag-asa (Children-in-conflict with the Law male minors), Mother Teresa Oro Care Center for Children (street children) ug Boystown Center (abused/abandoned male minors) uban sa ilang mga ginikanan ang gilingaw pinaagi sa Family Day, Pebrero 2, diha sa Kagay-an Spring Resort, Taguanao, ning siyudad.

 

Ang kalihokan gipasiugdahan sa City Social Welfare and Development (CSWD) Psychosocial Division ubos ni City Psychologist Jaymee Leonen-Pagaspas sa tuyo nga mapaduol pa ang mga kliyente sa ilang tagsa-tagsa ka pamilya.

 

Ang family day, nga nagdala sa temang: "Working toward a better future", magpadayon sa Pebrero 3 alang sa mga kliyente sa Home Care for Girls ug Balay Paglaum (abused and Children in-conflict with the Law female minors).

Mitambong sa kalihokan sila si CSWD Officer Anecia Tongson ug Centers and Institutions Unit Head Chona Silvosa, lakip mga center heads. (NLB/CIO/photos by Kim Zaldivar/CIO)