KAPIN 70 ka mga biktima sa sunog sa barangay Lapasan ang midawat og relief assistance gikan sa Department of Social Welfare and Development 10, Pebrero 7, diha sa Lapasan covered court, ning siyudad.

 

Sa maong gidaghanon, 36 niini ang naggikan sa Lawesbra kinsa nasunogan niadtong Disyembre 19, samtang 35 ang naggikan sa Seaside kinsa nasunogan niadtong Disyembre 29.

Ang relief assistance gilangkoban sa hygiene kits, family kits, sleeping kits, food packs ug kitchen kits.

 

Ang pag-apud-apud sa relief assistance gi-abagan sa City Social Welfare and Development Department ubos ni CSWD Officer Annie Tiongson ug barangay council sa barangay Lapasan pinangulohan ni Punong Barangay Julito Ogsimer. (NLB/CIO/photos courtesy of CSWD)