MIABANTE ang pito ka mga miyembro sa RISE CDO amateur boxing team para sa regional meet human midaug sa qualifying competition nga gipahigayon sa CDO boxing gym sa barangay Lumbia, ning siyudad.

Sila mao si Aaron Miguel Burlat (51 kgs), Jerome Cometa (48 kgs), Kinth Lloyd Padernal (44 kgs), Accel Rush Padernal (54 kgs), Nick Ardemer (48 kgs), Harley Pores (48 kgs), ug Roberto Baveira (44 kgs).

 

Tungod sa ilang nakab-ot nga kalampusan sa nahisgutang torneyo, dad-on sa maong mga boksidor ang garbo ug dungog sa dakbayan sa Cagayan de Oro atol sa regional meet nga ipahigayon karong umaabot Abril 4-7, 2023 sa isla sa Camiguin.

 

Dako ang pasalamat sa RISE CDO amateur boxing team, ubos sa giya ni Coach Merlito Bunjan ug Coach Isagani Llaban Sr., sa hingpit nga suporta ni Mayor Rolando "Klarex" Uy ug City Sports Coordinator Romary B. Gorro. (DLS/CIO)