Monday, 27 March 2023 00:01

1,000 KA KABABAYEN-AN NAKADAWAT OG P3K CASH AID UG UBAN PA ATOL SA ‘PAKIGDUYOG: WOMEN’S SUMMIT’

Written by
MIKABAT sa 1,000 ka kababayen-an gikan sa nagkadaiyang barangay ning syudad ang misalmot sa 'Pakigduyog: Women's Summit’, Marso 27 diha sa University of Science and Technology of Southern Philippines (USTP) Gymnasium.
 
Atol sa kalihokan, midawat ang matag usa og financial assistance nga balor og P3,000 gikan sa Department of Social Welfare and Development (DSWD-10), libreng food packs gikan sa Department of Science and Technology (DOST-10), seedlings gikan sa Department of Agriculture-10, gatas gikan sa National Dairy Authority, libreng medical ug legal consultation, livelihood skills training ug uban pa.
 
Nahatagan usab sila og dugang kahibalo kalabot sa urban gardening, beekeeping, anti-human trafficking, financial literacy, fire safety, digital safety and anti-online sexual abuse and exploitation of children ug adolescent development.
 
Mitambong sa kalihokan sila si City Gender and Development Focal Person Sheila Lumbatan; Atty. Melanie Cabanlas, kinsa mirepresentar ni Mayor Klarex Uy; Committee on Women and Family Relations Chairperson City Councilor Imee Moreno; Philippine Commission on Women Executive Director Atty. Kristine Rosary E. Yuzon-Chaves; ug CSWD Officer Annie Tongson.
 
Natapos ang kalihokan nga kabahin sa National Women's Month pinaagi sa usa ka commitment signing. (NLB/photos by Rod Constantino/CIO)