ISTRIKTONG ipatuman sa kagamhanang lokal ubos sa administrasyon ni Mayor Rolando “Klarex” Uy ang pagsuot kanunay og facemask panahon nga moadto ug mosalmot sa mga kalihukan sa Semana Santa dinhi ning syudad.

 

Basi sa Executive Order No. 067-2023 o’ ang “General Guidelines in the Observance of the 2023 Holy Week from April 3-9, 2023”, gimando ni Mayor Klarex ang istriktong pagsunod sa minimum public health standard ilabina gayud ang pagsul-ob kanunay sa facemask sanglit nakasinati og pagsaka sa COVID cases ang Cagayan de Oro sulod sa pila na ka semana ang milabay.

 

Gidili usab ang pagpanigarilyo lakip ang vaping sa mga PANAAD sites sama sa Guadalupe Shrine, Malasag Area ug mga simbahan panahon sa kasaulogan sa Semana Santa.

 

Gihangyo usab sa syudad ang mga senior citizens ug immunocompromise nga mga indibidwal nga likayan ang pagtampo sa bagang duot sa katawhan diha sa mga lugar nga sarang dugokan panahon sa Semana Santa.

Subay niini, naghangyo si Mayor Klarex nga tumanon ang mga gabayan aron mapugngan ang pagsaka sa COVID cases ug masiguro usab ang luwas ug malinawon nga pagsaulog sa Semana Santa. (ACM/CIO)