Mihakot ang Cagayan de Oro chess team og unom ka gold, duha ka silver ug duha ka bronze medals atol sa National Age Group Chess Championships Grand Finals nga gipahigayon bag-ohay lang sa Dipolog City.

 

Ang mga medalista mao sila si:

 

Gold: Mary Janelle Tan (10-under standard & blitz), Zhaoyu Capilitan (12-under standard, blitz & rapid blitz), ug Ruelle Canino (18-under rapid blitz).

Silver medalist: Lila Alyssa Seriña (14-under standard & rapid blitz)

Bronze medalist: Ashzhey Aya Nicole Paquinol (12-under blitz) ug Rhea Jean Canino (18-under standard)

 

Ang mga gold medalists mosangka sa Asian Games karong umaabot bulan sa Hunyo ning tuig didto sa nasud sa Thailand isip mga representante sa Philippine Team ubos sa NCP (National Chess Federation of the Philippines).

 

Tungod sa ilang kalampusan, dako ang pasalamat sa mga magdudula ug coaches sa Cagayan de Oro chess team tungod sa walay hunong nga suporta ni Mayor Rolando "Klarex" Uy ug sa City Sports Office ubos sa pagpangulo ni Officer-In-Charge Romarey B. Gorro ug Sports Consultant Ruel R. Daba. (DLS/photos by Cagayan de Oro City Sports Office)