Gisugdan Mayo 3 ang lima ka adlaw nga National Referee Candidate and Refresher Course sa volleyball diha sa Limketkai Activity Center ning syudad.

 

Tuyo sa maong kalihukan nga makaangkon ang mga volleyball coaches ug referees sa syudad ug rehiyon og dugang kahibalo sa pinakaulahing mga lagda ug regulasyon sa natad sa dulang volleyball.

 

Mipailawom una ang mga partisipante sa general orientation ug gisundan dayon kini sa technical training proper nga gipahigayon diha sa Cagayan de Oro City High School Gymnasium.

 

Dako ang pasalamat sa Northern Mindanao Volleyball Association of Coaches and Referees (NORMINVACAR) sa suporta ni Mayor Rolando "Klarex" Uy pinaagi sa buhatan sa City Sports Development Office sa maong seminar. (DLS/Photos by Cagayan de Oro City Sports Office)