Thursday, 01 June 2023 06:10

MGA MIYEMBRO SA PUBLIC-PRIVATE PARTNERSHIP FOR THE PEOPLE (P4) SELECTION COMMITTEE, NANUMPA

Written by
NANUMPA sa ilang katungdanan atubangan ni Mayor Rolando ‘Klarex’ Uy ang mga miyembro ug secretariat sa P4 kon Public-Private Partnership for the People Selection Committee subay sa City Ordinance No. 13457-2018 kon ‘City of Cagayan de Oro P4 Code’, karong adlawa, Hunyo 1.
 
Pinasubay sa executive order nga gilagdaan ni Mayor Klarex, nagsilbing chairman sa P4 Selection Committee si Atty. Joefrrey D. Namalata, hepe sa City General Services Office ug milingkod usab isip secretary si City Legal Officer Atty. Kenneth O. Tamala.
 
Naglangkob nga mga miyembro sila si City Councilor Edgar Cabanlas isip official representative sa 20th City Council, City Treasurer Jasmin T. Maagad, City Panning & Development Department OIC Ramir Balquin, John W. Asuncion, hepe sa Oro Trade and Investment Promotions Center, Janet C. Floirendo sa Federation of Barangay Women Development Committee Cagayan de Oro Inc., ug Franklin T. Dagcuta sa CdeO- Cogon United Market Vendors Association ( CDEO-CUMVA).
Lakip nanumpa ang mga sakop sa secretariat sa pagpangulo ni Atty. Rachiene C. Aguhob. (AGP/Photo courtesy of CMO)