HAYAN nga magkuha ang syudad og lima ka libreng abogado aron maoy mo-asikaso sa kaso sa mga kababayen-an nga giabusar, lakip ang Women and Child Protection Unit sa JR Borja General Hospital.

 

Kini ang nauyonan atol sa ikaduhang quarterly meeting sa City Inter-agency Council Against Women and their Children (CIACAT-VAWC) adlaw’ng Miyerkules, Mayo 31, diha sa Pearlmont Hotel, ning siyudad nga gidumala ni City Councilor Imee Moreno, ang chairperson sa Committee on Women and Family Relations.

 

Lakip sa nahisgutan sa maong tigom ang pag-apruba sa komposisyon sa CIACAT-VAWC Executive Order, updates sa giaprubahan nga ordinance kalabot sa support mechanism, pagpanday sa implementing rules and regulations niini, lakip ang work and financial plan.

 

Tinguha sa CIACAT-VAWC nga mapatas-an ang kapasidad sa LGU- CDO kabahin sa child ug women protection. (NLB/CIO/photos by Kim Zaldivar/CIO)