SOBRA 150 ka mga molupyo ug mag-uuma sa barangay Dansolihon ning syudad ang nakapahimulos sa nagkadaiyang mga serbisyo nga gitunol sa gobyerno atol sa community outreach program sa ‘Geographically Isolated Disadvantaged Areas’ kon GIDAs.

 

Ang kalihukan nga gipangulohan ni City Administrator Atty. Roy Hilario Raagas, kinsa maoy mirepresentar kang Mayor Klarex Uy, City Police Director Aaron Mandia ug Philippine National Police Regional Office 10 ubos ni Regional Director P/Brigadier General Lawrence B. Coop, kabahin sa Revitalized Pulis sa Barangay (R-PSB) program agi’g suporta sa tinguha sa National Task Force to End Local Communist Armed Conflict (NTF-ELCAC).

 

Tipik sa mga serbisyo nga nadawat sa mga residente sa barangay Dansolihon ubos ni Kapitan Franco Montano mao ang medical ug dental consultation, libreng alot, feeding program, pag-apud-apud og food packs ug mga tsinelas ug uban pang mga gamit sa pag-uma. (CIO/photos by Jun Ladao of City Admin)