APROBADO na sa 20th City Council ning syudad ang gipalabang nga ordinansa ni City Councilor Suzette Magtajas-Daba kalabot sa tinguha ug pangandoy ni Mayor Rolando “Klarex” Uy nga pagmugna og City College.

 

Ang City College usa sa mga damgo ni Mayor Klarex ug nalakip sa iyang executive agenda alang niadtong mga kabataan nga maglisod sa pagtungha sa kolehiyo, ingon man kadtong dili makapasar sa city scholarship nga gitanyag usab sa syudad.

 

Sugdan ang katukoran sa City College sa unang termino ni Mayor Klarex diin didto kini tukoron sa Brgy Dansolihon sa tinguha nga dili kini mahimong kompetisyon sa mga kasamtangang kolehiyo ug unibersidad sa Cagayan de Oro.

Mga kursong agrikultura, education, technical vocational skills ug uban pa ang posibleng pilian sa mga buot motungha nga libre.

 

Matud ni Mayor Klarex paningkamotan sa iyang administrasyon nga masugdan ang city college sa Brgy Dansolihon sunod tuig. (ACM/Photos by KIM ZALDIVAR/CIO) Photo courtesy City Councilor Suzette Magtajas-Daba FB Page