GIPASALAMATAN ug gidayeg sa Department of Education-Division of Cagayan de Oro ang katakos sa pagdumala ni Mayor Rolando “Klarex” Uy sa syudad ilabina ang paghatag niini og pagtagad sa kalamboan sa edukasyon.

Sa mensahe ni Schools Division Superintendent Roy Angelo Gazo, iyang gidayeg ang pagkamatinud-anon ni Mayor Klarex ug kakugi niini sa pag-alagad ug gitandi kini niya nga usa ka larawan sa tinuod nga Kagay-anon nga adunay dakong pagbati ug panglantaw sa syudad.

 

Gipasalamatan usab niini si Mayor Klarex sa pagpatukod og mga pinasahi nga tunghaan aron mahatagan og kasayon ang mga studyante ug mga magtutudlo sulod sa tunghaan.

Ang 4 storey, 16 classroom Bulua National High School nga gisubhan adlaw’ng Huwebes, maoy labing unang ‘Tatak Klarex’ classroom diin kompleto kini sa multi-media package ug functional fire alarm system alang sa kasayon ug seguridad sa mga esudyante ug magtutudlo. (ACM/Photos by JOMAR FIGURACION/CIO)