Monday, 13 May 2024 01:21

‘SURUY-SURUY SA BARYO’ IPAHIGAYON SA LOWER BALULANG UGMA; MAYO 16 SA BRGY LAPASAN

Written by
IPAHIGAYON ugmang adlawa, Mayo 14 ning tuig diha sa Lower Balulang covered court ug Mayo 16 diha sa barangay Lapasan ang laing hugna sa ‘SurUy-SurUy sa Baryo: Klarex nga Serbisyo sa Panlawas’, usa ka programa sa kagamahanang lokal sa Cagayan de Oro ubos sa administrasyon ni Mayor Rolando ‘Klarex’ Uy aron mahatod mismo sa tugkaran sa katawhan ang nagkadaiyang serbisyo medikal.
 
Ang ‘SurUy-SurUy sa Baryo’ hiniusang gipasiugda sa City Health Insurance Office, City Health Office, ug JR Borja General Hospital, uban sa suporta sa City Disaster Risk Reduction and Management Department, City Social Welfare and Development ug mobile clinic sa pamilyang Uy, kauban usab ang rehiyonal nga buhatan sa PhilHealth.
 
Kini ipahigayon matag adlaw’ng Martes ug Huwebes kada semana sa nagkalain-laing barangay ning syudad.
 
Lakip sa mga serbisyong gitanyag ang onsite Philhealth enrolment & updating, KonSultasyong Sulit at Tama registration & profiling, medical consultation ug pagpanghatag og tambal, ug pagpanghatag usab sa pipila ka mga Philhealth IDs ug member data record, ug uban pang serbisyo medikal.
 
Sa laing bahin, mokabat usab sa 777 ka mga Philhealth IDs ug MDR ang gitunol sa syudad kauban ang Philhealth X ngadto sa mga residente sa barangay Agusan atol sa ‘Klarex nga Serbisyo sa Baryo’ niadtong Sabado. (AGP/Photos by Kim Zaldivar/CIO)