MISAKA ngadto sa 215% bed occupancy rate ang JR Borja General Hospital (JRBGH) tungod usab sa Level II accreditation niini nga nakuha sa milabay’ng tuig.

 

Sa pinakaulahing datus sa JRBGH nga gitaho ni Mayor Klarex sa iyang ikaduhang State of the City Address, mitala na kini og 215% bed occupancy rate sa tuig 2023.

 

Nakaangkon usab og lima ka type B ambulance ang city hospital ingon aduna usab kini Radiology facility, CT Scan, 2D Echo ug Mammogram machines.

 

Samtang fully operational na usab ang 27 ka Hemodialysis machines sa JRBGH ug mitala kini og 15,240 admissions sa tuigu 2023.

 

Kini nga mga naangkon nga kalampusan garbo ug gipasalamatan ni Mayor Klarex sa mga personahe sa JRBGH sa pagpangulo ni Dr Michael June Perez, kinsa maoy Chief of Hospital niini, sa ilang dedikasyon ug paningkamot aron maalaagaran ang katawhan.

 

Subay niini, gipasalig ni Mayor Klarex ang iyang hugot nga suporta nga mas mapalapdan pa ang serbisyo sa city hospital aron mas daghan pa ang matabangan ilabina sa panlawas. (ACM/CIO)