Monday, 20 April 2020 07:43

‘One entrance, one exit’ policy gipatuman sa Cogon Market

Written by Justin Nagac

Arun malikayan ang posible nga pagkalat sa COVID-19 sa kamerkadohan, kasamtangan nga gipatuman ang “One Entry, One Exit” Policy sa Cogon Market. Kini gipaambit ni City Enterprise and Economic Development (CEED) Officer-In-Charge Marfe Dacoco sa gipatigayon nga ika-31 nga press conference alang sa COVID-19.

 

Pina-agi ani nga polisiya, gi-inbatyag ni Dacoco nga mas-mamonitor nila pag-ayo ang mga tao nga gapanulod sa merkado ug kanunay ma-control ang ihap sa mga tao sa sulod.

 

“Na-monitor pila ka tao ang nisulod, tan-awon dayon sa monitor ug sa head count kung nagamay ba ang tao sa sulod ilang pasudlan. Kung nidaghan i-on-hold sa nila ang pagapasulod,” ingon ni Dacoco.

 

Uban niini nga polisiya, padayon pod ang hugot nga pagpatuman sa mga pama-agi arun mapanalipdan ang mga mang-merkado gikan sa pagakatakod sa COVID-19.

 

“Ila g’yud gipatuman ang protocol sa social distancing, wearing of face mask, dili pod ginapasulod sa merkado katong mga edaran na, buros, katong mga naay gibati, ug mga bata below 15 years old, [gipatuman pod ang] handwashing.”

 

Gi-ambit usab ni Dacoco nga aduna sad mga handawashing stalls nga puwede na gamiton sa publiko. Kini gibutang gawas sa merkado dapit sa dalang Yacapin-Osmeña.

 

“Kagahapon na-install na duha ka handwashing stands na naa sa gawas; sa Osmeña ug Yakapin. This morning, naka-feedback ang maintenance na nahuman na nila ug dugang ang isa ka unit didto sa entrace g’yud sa merkado,” matod pa kay Dacoco.  

 

Gisugdan ang One Entrance, One Exit Policy sa Cogon Market adtong April 15, 2020.