NAGPADAYON karun ang mga personhi sa City Health Office ning suidad sa pagbisita sa mga kabarangayan alang sa pagpalapad sa kahibalo sa katawhan kalabot sa pakigbatok sa sakit nga Dengue.

 

Kini agig pagsanong usab sa gihingusgan karon nga Dengue Awareness Month.

 

Gipasabot sa mga personahi sa City Health Office ngadtu sa katawhan ang kamahinungdanon sa pagsunod sa 5'S kun Search and Destroy, Self-Protect, Seek Consultation, Support Fogging in outbreak areas, ug Sustain Hydration, arun walay makalas nga kinabuhi tungod sa Dengue.

 

Lakip usab sa gihatagan og gibug-aton ang pagpanghinlo sa palibot, arun walay maitlogan ang mga lamok ilabina panahon sa ting-ulan ug malikayan ang pagtaas sa kaso niini sa mga kabarangayan. (GB/CIO/photos courtesy of City Health Office)