GARBO ug pasalamat ang gibati sa 419 ka mga mitapos sa ilang technical-vocational courses sa City College of Cagayan de Oro- Technical Skills and Technology Institute adlaw’ng Martes, Hunyo 18 atol sa ilang 10th Graduation Ceremony nga gipahigayon sa Ayala Mall ning syudad.

 

Lakip sa mitapos ang 111 trainees sa Electrical Installation and Maintenance NC II; 29 sa Shielded Metal Arc NC II; 69 sa Shielded Metal Arc NC I; 35 alang sa Carpentry NC II; 89 sa Housekeeping NC II; 25 sa Plumbing NC I; 21 sa Plumbing NC II; 13 sa TM Level 1; ug 27 sa Barangay Health System NC II.

 

Sa mensahe ni Interim President Dr Jestoni P. Babia iyang gidasig ang mga migradwar nga gamiton ug pahimuslan ang ilang natun-an alang sa kausbawan sa sa ilang kinabuhi ug masulosyonan ang kalisod nga nasinati.

 

Gidayeg usab ni TESDA Provincial Director Marigold Cherrie Garrido ang mga personahe sa City College ingon man ang administrasyon ni Mayor Rolando “Klarex” Uy sa panlantaw niini sa kalamboan sa matag Kagay-anons pinaagi sa mga bag-ong skills nga ilang natun-an.

 

Misaksi usab isip representante ni Mayor Klarex si Mr. Jan Guillmore Actub nga mao usab ang spokesperson sa mayor. (ACM/Photos by KIM ZALDIVAR)