SUBLING gihingusgan ni City Disaster Risk Reduction and Management Department chief Mr. Nick Jabagat ang kamahinungdanon nga adunay ‘alignment’ sa kinatibuk-an nga CDRRM plan sa syudad ug sa Barangay DRRM.

 

Atol sa maong CDRRM full council meeting, Hunyo 20, 2024, nag-unang gihisgutan ang pagsiguro nga mahatagan sa insakto nga technical assistance ang mga barangay aron magabayan sa pagmugna o pag-update sa BDRRM plan.

 

Aprubado usab sa mga myembro sa full council ang resolusyon alang sa pormal nga pag ‘instutionalize’ sa paggamit sa ‘Incident Command System’ isip Disaster Response and Management Mechanism sa syudad ug pagduso sa maong resolusyon nga masagop sa 20th City Council.

 

Aduna usab regular nga taho kabahin sa upat ka thematic areas nga naglangkob sa disaster prevention and mitigation, disaster preparedness, disaster response ug disaster rehabilitation and recovery.

 

Lakip sa mitambong sa panagtigom si Ms. Sheila Lumbatan, chief of staff ni City Mayor Rolando ‘Klarex’ A. Uy ug si City Councilor Malvern Esparcia.(AGP/Photos by Kim Zaldivar/CIO)