GILUSAD sa Barangay Carmen ang 'Kapkik' website nga nagsentro sa tema nga katikang sa maayong lakang atol sa flagraising ceremony sa Barangay Carmen adlaw'ng Lunes, Hunyo 24.

 

Matud ni Carmen Barangay Kapitan Rainer Joaquin 'Kikang' Uy nga ang 'Kapkik' website usa ka media platform nga direktang modawat ug motubag sa mga pangutana ug problema nga gipadangat sa mga molupyo sa Barangay Carmen.

 

Tinguha usab sa maong proyekto nga makasabay sa bag-ong paagi sa paghatag og impormasyon ngadto sa katawhan sa barangay.

 

Nasayran nga mitambong sa paglusad sa maong programa isip bisita mao sila si Bonbon Kapitan Lelit Molina, Bulua Barangay Kapitan Al Legaspi Jr., Kauswagan Kapitan Jan Jan Lim, Tignapoloan Kapitan Nancy Aban, ug uban pang mga opisyal sa barangay nga nahimutang sa distrito uno. (EN)