MOKABAT sa 120 ka mga empleyado sa city hall nga napiling Gender and Development (GAD) Focal Person ug Administrative Officers lakip mga uniformed personnel ang mipailawom sa workshop kalabot sa Work Inclusion, Hunyo 28, diha sa Cronin Hall, Cathedral Compound, ning siyudad.

 

Ang maong workshop kabahin sa Pride Talk series ug kasaulogan sa Pride month.

 

Kini inisyatiba sa City Gender and Development Focal Point System (City GAD FPS) uban sa tumong na madugangan ang kahibalo sa mga empleyado sa gobyerno kalabot sa insaktong pag-deal sa mga miyembro sa LGBT sector sa workplace. (NLB/CIO/photos by Reynan Baylin/CIO)