GIKALIPAY sa buhatan sa City Local Environment and Natural Resources Office (Clenro) human mikabat na sa 89% kun 71 gikan sa 80 ka mga kabarangayan sa dakbayan ang compliant sa ‘No Segregation No Collection Policy.’

 

Kini atol sa gihimong pag-ila sa maong mga kabarangayan dungan sa kasaulogan sa Environment Month Culmination Day dinhi sa dakbayan nga gipahigayon sa City Tourism Hall karong adlawa.

 

Gawas sa 71 ka compliant nga mga barangay, gidasig usab sa maong buhatan ang mga 'partially compliant' ug non-compliant nga mga kabarangayan nga sa pipila ka mga bulan mamahimo na nga masunod ang balaod sa ‘No Segregation, No Collection policy.’

 

Samtang gawas sa pag-ila sa mga kabarangayan, dungan usab nga gipahigayon ang Poster-making contest nga gisalmotan sa mga tinun-an sa pipila ka mga kolehiyo ning dakbayan agi'g pagpalapad sa kahibalo ug 'awareness' ngadto sa mga kabataan sa pag-amping sa kinaiyahan.

 

Miduyog usab sa kasaulogan si City Councilor Malvern Esparcia kinsa maoy Chairman sa Committee on Climate Change sa konseho ug si Eric Salcedo ang overseer sa CLENRO ning dakbayan. (GB/CIO Photos by Jay Arancon/CIO