MALAMPUSONG gitapos ang Pride month, adlaw’ng Domingo, Hunyo 30, nga gipahigayon sa Amphitheatre, ning siyudad.

 

Atol sa kalihokan, gipahigayon ang Pride March nga gisalmotan sa kapin 2000 ka miyembro sa LGBTQIA+ community, advocates gikan sa nagkadaiyang barangay, buhatan, organizations, private sector ug uban pa; Celebration of love ceremony diin napulo ka LGBQIA+ couples ang migahin sa ilang love story ug gihatagan sa libreng lechon ug wine lakip pride night. Mipasundayag usab ang mga LGBTQIA+ sa ilang nagkadaiyang talento.

 

Mipahigayon usab og pride fair diin nakatagamtam og libreng serbisyo gikan sa nagkadaiyang buhatan ang LGU-CDO sama sa libreng HIV Screening, pag apod-apod sa condom ug lubricant, mini job offering sa City College lakip na ang libreng vitamins gikan sa City Health Insurance Office ug psychosocial services gikan sa City Social Welfare and Development Department Psychosocial Division.

 

Mitambong sa kalihokan sila si City GAD Focal Person Sheila Lumbatan, Committee on Women and Family Relations Chairperson City Councilor Girlie Balaba, Sangguniang Kabataan Federation President Kenneth John Sacala, ug uban pa.

 

Ang kalihokan inisyatiba sa City Gender and Development Focal Point System ug hugot na gisuportahan ni Mayor Klarex Uy.

 

Kini natapos pinaagi sa usa ka fireworks display isip visual representation sa pride, unity ug affirmation sa identity sa LGBTQIA+ community ug ilang kontribusyon sa komunidad. (NLB/CIO/photos by Kim Zaldivar/CIO)