ANDAM na ang mga kalihukan alang sa kasaulogan sa tinuig nga kapistahan sa barangay Carmen ning syudad.

 

Ang maong mga kalihukan magsugod Hulyo 8 ug matapos kini sa Hulyo 15 ning tuig.

 

Usa sa mga kalihukan nga maghatag sa kabibo ug kasadya mao ang ‘Mr and Miss Dinogan Festival’ nga mahitabo karong Hulyo 13, ala-7:00 sa gabii, diin i-representar sa mga kandidata ang matag sona sa barangay Carmen.

 

Nasayran nga dungan sa kasaulogan sa pista, buksan usab ang bag-ong barangay hall sa Carmen karong Hulyo 8.

 

Matud pa ni Kapitan Raineir Joaquin ‘Kikang’ Uy nga ang barangay hall sa Carmen maoy pinakaunang barangay sa Cagayan de Oro nga nagtuman sa Persons with Disability Act tungod kay butangan kini sa barangay LGU og elevator aron komportable ang mga PWD kung modalikyat sa barangay hall. (EN)