GILUSAD sa City Health Office ang Video Campaign Challenge uban sa City Inter-agency against Trafficking and Violence against Women and their Children (CIACAT-VAWC) adlaw’ng Lunes, Hulyo 1 atol sa sinemanang pagpakayab sa nasudnong bandila sa City Hall ning syudad.

Ang tema alang sa video campaign college mao ang "Leave No Child Behind in the Fight Against Human Trafficking" diin mao usab ang tema sa maong kasaulogan.

Ang maong kalihukan gilangkoban sa nagkadaiyang buhatan sa LGU-CDO ug national government agencies nunot sa kasaulogan sa World Day against Trafficking in Persons karong nga saulogon karong umaabot Hulyo 30 ning tuig.

Mismo si Dr. Lorraine Nery sa CIACAT-VAWC ang mi-representar sa council ug ang maong campaign challenge bukas sa tanang 80 ka barangay, mga tunghaan, ug mga buhatan sa LGU-CDO.

Gilauman nga makadawat og cash prize ug plaque ang mga mananaog sa kompetisyon: P20,000 ug plaque alang sa 1st place, P15,000 ug plaque alang sa 2nd place ug P10,000 ug plaque alang sa 3rd place samtang special award kon Social Media Choice award alang niadtong makakuha sa pinakadaghan nga "Heart" reactions.

Alang sa interesado mosalmot, mahimong molantaw sa mechanics ani nga link https://tinyurl.com/CaravanMechanics. (NLB/CIO/photo by Reynan Baylin/CIO)