MOKABAT sa 1143 ka mga PhilHealth cards ug member data record (MDR) ang gitunol sa mga benipisyaryo sa Barangay Nazareth karong adlawa, Hulyo 2, 2024 atol sa SurUy SurUy sa Baryo program ni Mayor Rolando ‘Klarex’ A. Uy pinaagi City Health Insurance Office kauban ang Philhealth Region 10.

 

Tinguha sa SurUySurUy sa Baryo nga makahatag og ‘Klarex nga Serbisyo sa Panlawas’ sa mga kabaranggayan pinaagi sa hiniusang pwersa sa city hall sa pagpanguna sa buhatan sa CHIO sa pagpangulo ni concurrent City Budget Officer Ms. Roxanne Mae A. Ravidas, JR Borja General Hospital, City Health Office, City Disaster Risk Reduction and Management Department ug City Social Welfare and Development Department uban sa hugot nga suporta sa barangay.

 

Gawas sa programa sa PhilHealth, anaa usab ang medical consultation, eye care program, dental care services, pagpanghatag og tambal ug uban pa.

 

Samtang aduna usab pagpanghatag og birthday cakes sa mga senior citizens nga residente sa barangay Nazareth nga nagsaulog sa ilang birthday sa bulan sa Pebrero, Marso, Abril, Mayo ug Hunyo. (AGP/Photos by Kim D. Zaldivar/CIO)