GISAULOG sa LGU-CDO pinaagi sa City Nutrition Committee ang ika-50 nga Nutrition Month, Hulyo 2, sa City Tourism Hall, ning siyudad.

 

Gibuksan ang kalihukan pinaagi sa motorkada uban sa tema’ng “Sa PPAN sama-sama sa nutrisyon sapat para sa lahat,” nga gihubad ni Maria Cynthia Vengco, OIC-NPC sa National Nutrition Council X.

 

Sa laing bahin, nanumpa usab ang mga Oro Barangay Nutrition Scholars Federation Officers diin gisundan sa paglagda sa Philippine Plan of Action for Nutrition (PPAN) nga molungtad sa tuig 2023-2028 lakip ang paglusad sa Nutrition month dance contest. Mitambong sa kalihokan sila si Acting City Nutrition Action Officer Caroline Cabunoc, City Health Officer Dr. Rachel Daba-Dilla, Committee on Health Chairperson City Councilor Dra. Ma. Lourdes Gaane, Jann Guillmore Actub kinsa mirepresentar ni Mayor Klarex Uy ug uban pa.

 

Mokabat sa 700 ka mga Barangay Nutrition Committee members, Barangay Nutrition Scholars, City Nutrition Committee lakip barangay councils ang mitambong sa maong kalihukan nga gipangulohan sa City Nutrition Committee.

 

Nasayran nga nasakmit sa Cagayan de Oro ang Nutrition Honor Award bag-ohay lamang diin maoy pinakataas nga award sa nutrisyon. (NLB/CIO/photos by Nica Borja and Reynan Baylin/CIO)