Gilauman nga mas mapadali na ang pagpatuman sa Task Group Demolition sa ilang tahas human kini nakabaton og mga ekipo nga magamit sa mga personahi ug pag-assist sa hangyo sa mga barangay alang sa road clearing operations.

 

Kini nga mga ekipo naglangkob sa generator set, maso ug uban pa nga gamiton sa clearing operations ingon man safety gears sa mga personahi.

 

Matud ni Antonio Resma, Jr., chairman sa TG Demolition nga gikan sa pundo sa task group ang gipalit sa maong mga ekipo kay gigahinan man kini sa administrasyon ni Mayor Rolando `Klarex’ Uy.

 

Ang mga ekipo gitunol sa TG Demolition sa City Engineer’s Office (CEO) ilabina nga sila man ang mogamit niini atol sa mga clearing operations isip miyembro sa task group.

 

Alayon niini, gipasalamatan ni Resma si Mayor Klarex sa gihatag nga suporta ngadto sa task group ug kang Atty. Jose Edgardo Uy nga naningkamot aron makabaton sa maong mga ekipo ang task group. (ALR/CIO/Photos by Reynan Baylin/CIO)