Mayor Klarex Uy milagda og Memorandum of Agreement (MOA) tali sa Philippine Statistics Authority (PSA) X kalabot sa 2024 Census of Population-Community-Based Monitoring System (POPCEN-CBMS), Hulyo 2, ning tuig.

 

Gawas ni Mayor Klarex Uy, milagda usab sa MOA si Provincial Statistical Office Misamis Oriental Chief Statistical Specialist, OIC- Maria Liza M. Bigornia, uban ni Chedilyn Aissa Dulguime, Officer-in-Charge sa City Planning and Development Office ug Brenda Lynn Castro sa PSA-Regional Statistical Services Office X.

 

Ang CBMS gimugna sa matag siyudad ug munisipyo isip economic ug social tool alang sa pagpanday ug implementasyon sa poverty alleviation ug development programs nga nakadisenyo alang sa basic needs sa matag sector sa komunidad.

 

Kini target nga masugdan sa bulan sa Hulyo hangtud Septiyembre ning tuig ug gilauman matunol sa LGU-CDO sa 1st Quarter sa 2025. (NLB/CIO/photos by Roel Felicitas/CIO)