GITUNOL sa kagamhanang lokal sa Cagayan de Oro sa pagpangulo ni Mayor Rolando ‘Klarex’ Uy ug Philhealth Region 10 ang mokabat sa 1,510 ka mga Philhealth cards ug member data record (MDR) alang sa mga benipisyaryo sa barangay Tablon atol sa gipahigayong Klarex nga Serbisyo sa Baryo diha sa Tablon Elementary School, Hulyo 6, 2024.

 

Samtang moabot usab sa 516 ka mga residente ang mipahimulos sa Philhealth KonSulTa (Konsultasyong Sulit at Tama) program nga gidala sa buhatan sa City Health Insurance Office ug Philhealth 10 nga naglangkob sa mga serbisyo sa PhilHealth profiling, konsulta ug pagpanghatag og tambal.

 

Kini na ang ikaduhang hugna sa Klarex nga Serbisyo sa Baryo nga gipahigayon sa Tablon agi’g paghatod sa batakang serbisyo sa city hall sa mga tugkaran sa barangay. (AGP/Photos by Roel Felicitas/CIO)