MOAKABAT sa 361 ka mga residente sa barangay Pagalungan ang nakapahimulos sa Klarex nga serbisyo sa panlawas pinaagi sa SurUy-SurUy sa Baryo, Hulyo 25 sa Pagalungan covered court, adlaw’ng Huwebes, Hulyo 25 ning tuig.

 

Moabot sa 111 ka mga PhilHealth cards ug member data record (MDR) ang gitunol sa PhilHealth Region 10 ug City Health Insurance Office ngadto sa mga senior citizens, 42 ka mga bata ang malampusong natuli, 106 ka residente ang mipaubos sa dental services, samtang 19 ang sa eyecare services, ug 25 ang mipailawom sa laboratory services.

 

Samtang 25 usab ka mga senior citizens nga bag-ohay lang nagsaulog sa ilang adlaw’ng natawhan ang nakadawat og birthday cakes.

 

Gituyo sa pagmugna ang SurUy SurUy sa Baryo program ni Mayor Rolando ‘Klarex’ Uy pinaagi sa Health Insurance Office, City Health Office, JR Borja General Hospital, City Disaster Risk Reduction and Management Department, City Social Welfare and Development Department aron mas matutokan ang programa sa panlawas bisan sa suok nga bahin sa kabaranggayan. (AGP/Photos by CHIO)