Sa tinguha nga mas molambo pa ang kahanas ug panginabuhi sa mga fisherfolk ning syudad, upat ka mga asosasyon gikan sa Barangay Tablon ang misalmot sa hands-on training program nga nagtutok sa Fisheries Value Adding partikular na sa pagama og Spanish-styled sardines.

 

Ang maong pagbansay adunay nakalakip nga training kits, gimugna ug gihingusgan sa lokal nga kagamhanan ning syudad ubos sa administrasyon ni Mayor Rolando `Klarex’ Uy.

 

Ug kini gipatuman sa Agricultural Productivity Operations Office (APOO) nga gipangulohan ni Engr. Paterno Gonzales pinaagi sa Fisheries and Agribusiness Division inabagan sa barangay council sa Tablon.

 

Tumong sa programa nga mahatagan og igong kapasidad ang mga fisherfolk kalabot sa fish processing ug food safety practices aron molambo pa ang ilang produkto ug market opportunities. (ALR/CIO/Photos from APOO)