Subli na usab masaksihan ug masinati sa mga pet lovers ug pet owners ang pasundayag sa nagkalain-laing breed sa mga iro ug ang ilang abilidad kay ipahigayon na usab sa syudad ubos sa administrasyon ni Mayor Rolando `Klarex’ Uy ang Higalaay Dog Day Year 2 karong Agosto 24.

 

Si City Veterinarian Dr. Perla Asis namahayag nga ang kalihokan himoon diha sa Rotunda Limketkai Mall, alas 12:00 noon-7:00PM.

 

Gawas sa exciting nga mga premyo, adunay libre nga anti-rabies vaccination, deworming, ug consultation sa mga pets, ingon man pet health and care freebies ug daghan pa.

 

Tungod sa suporta ni Mayor Klarex sa unang pagpahigayon sa Higalaay Dog Day sa milabay’ng tuig, nagmalampuson ang maong kalihokan hinungdan nga subli kining himoon sa City Vet uban sa mga sponsors ug partners.

 

Nunot niini, gibuksan sa City Vet ang online pre-registration, ug walk-in registration.

 

Gipahinumdoman usab ni Dr. Asis ang mga partisipante nga magpakita sa ilang creativity sa Philippine Festival costume alang sa ilang mga pet ug sa ila mismo isip twinning costume. (ALR/CIO/Infog from City Vet)