MAPASALAMATON ang ‘Higalaay Festival Market’

organizers uban ang kagamhanang lokal sa Cagayan de Oro sa pagpangulo ni City Mayor Rolando ‘Klarex’ Uy sa pagduyog sa katawhan sa opisyal nga pagbukas karong adlawa Agosto 9, 2024 sa Higalaay Festival Market diha sa Rio de Oro Boulevard.

 

Mismo si Mayor ‘Klarex’ ang nangulo sa ‘ribbon cutting’ isip pormal nga pagbukas sa Higalaay Festival Market nga molungtad Agosto 9 – 31 ning tuig, sugod alas 12:00 sa udto hangtod alas 12:00 sa tungang-gabii, diha sa portion JR Borja – Montalvan street sa Rio de Oro Boulevard.

 

Misaksi usab sa kalihokan si Vice Mayor Jocelyn Bebot Rodriguez, 20th City Council, city hall department managers, mga business owners uban sa hugot nga suporta sa katawhan.

 

Gi-aghat usab ni City Council Jay Roa Pascual, 2024 City Fiesta Committee co-chairperson ang matag kagay-anon nga suportahan ang mga small and medium enterprise (SMEs) diha sa Higalaay Festival Market nga nagtanyag og nagkadaiyang ‘food ug non-food’ items. (AGP/Photos by Kim Zaldivar/CIO)