NUNOT sa kasaulogan sa ORO YOUTH Month ning bulan sa Agosto, gipahigayon ang Youth Agvocates Project 3.0: Garden Attack sa USTP, Agosto 9, diha sa University of Science and Technology of Southern Philippines (USTP) nga gipangulohan sa pagtudlo sa mga city scholars ning siyudad.

 

Kini na ang ikatulong tuig sa pag-implementar sa maong proyekto diin ang mga city scholars nga nagtungha sa USTP nga mao’y gitudloan sa miaging katuuigan ang nangulo sa pagtudlo kanila.

 

Ang Youth Agvocates Project 3.0: Garden Attack sa USTP usa ka all-in-one training, immersive workshop, ug volunteering activity nga nagtutok sa Urban Microfarm Concept covering Hydroponics ug Urban Gardening.

 

Kini gisalmotan sa 79 ka mga Out-of-School youth gikan sa Life Project 4 Youth CDO, Technical Education and Skills Development Authority (TESDA) trainees, ug mga learners sa Alternative Learning System sa Department of Education.

 

Ang maong kalihokan inisyatiba sa Oro Youth Development Office, Kagay-anon Youth Network Alliance (KAYA NA), USTP Extension and Community Relations Division, Center for Human Development ug Kids Who Farm uban sa tinguha nga matudloan sa bili sa pagnanum ning panahon ang mga kabatan-onan.

 

Kini kabahin usab sa kasaulogan sa Oro Youth month nga gasaulogon matag bulan sa Agosto. (NLB/CIO/photos by Roel Felicitas/CIO)