SUBLING midaog isip kampyon sa Higalaay Marching Band Competition 2024 ang Misamis Oriental General Comprehensive High School (MOGCHS) nga gipahigayon karong adlawa, Agosto 27 agig pagsaulog sa kapistahan ni Sr. San Agustin, patron sa Cagayan de Oro.

 

Nakadawat og P50,000 cash prize ang MOGCHS ug trophy. Samtang nasakmit usab sa Soka Gakkai International -Ph ang second prize nga nakadawat og P30,000 plus trophy; Gusa Regional Science High School nga adunay P20,000 plus trophy.

 

Nakuha usab sa Lourdes College Basic Education Department ang Best in Uniform, Best Majorette ang MOGCHS ug Best Major ang Pilgrim Christian College.

 

Mokabat sa 154 ka mga contingents ang misalmot sa Higalaay Civic Military Parade and Float Contingents nga gisalmotan usab ni Mayor Rolando “Klarex” Uy kauban ang mga sakop sa 20th City Council, national government agencies, private groups ug socio-civic organizations. (ACM/ CIO Photos Kim Zaldivar)