SA paningkamot sa lokal nga kagamhanan ubos sa administrasyon ni Mayor Rolando “Klarex” Uy nga makunhoran ang suliran sa baha, gilusad karong adlawa, Septiyembre 12, ang “Operation Likay Baha: Kanal Limpyohan, Baha Malikayan” sa Brgy Bulua dinhi ning syudad.

 

Ang maong kalihukan gisalmotan sa nagkalaing buhatan sa City Hall, national government agencies ug mga kabarangayan sa pagpangulo ni City Councilor Edgar Cabanlas.

 

Sa mensahe ni Cabanlas, iyang gipasalamatan ang mga migahin sa ilang panahon ug miuban sa pagpanghinlo sa kasapaan ug mga canal.

 

Nasayran ang ang national highway sa Brgy Bulua usa sa mga flood-prone areas ug apektado sa sobrang baha sa panahon nga mobundak ang kusog nga ulan.

 

Laumang daghan pang pagpanghinlo ang matigayon ug gihangyo sa kagamhanang lokal ang katawhan sap ag-abag ug sa suporta niini pinaagi sa paglabay sa mga basura sa hustong paagi. (MS/CIO Photos by ROEL FELICITAS)