PIPILA ka empleyado sa city hall, partner organizations: Department of Health-Treatment and Rehabilitation Center (DOH-TRC), Philippine Mental Health Association (PMHA) ang gibansay sa Psychological Association of the Philippines (PAP) isip community mental health advocates sugod adlaw’ng Huwebes, Septiyembre 12 hangtud Sept 13 sa City Tourism Hall, ning siyudad.

 

Nasayra’ng ang training ubos sa proyekto sa PAP nga gitawag og Living In a Facilitative Environment (LIFE) kon usa ka community-based Suicide Prevention, Intervention, and Postvention Program.

 

Gani man, sumala pa sa City Social Welfare and Development Department-Psychosocial Division ang siyudad ang pinakaunang LGU nga nakabenepisyo niini.

 

Ang maong training inisyatiba sa City Social Welfare and Development (CSWD) Department-Psychosocial Division ubos ni City Psychologist Jaymee Leonen- Pagaspas ug PAP uban sa tumong nga mahiusa ang mga partisipante aron sila makamugna og module kabahin sa natad sa mental health nga ipangapud-apud dayun sa pipila ka barangay ug sa ilang mga kliyente.

 

Kini kabahin usab sa pagsaulog sa siyudad sa Suicide Prevention Awareness month nga gasaulogon matag bulan sa Septiyembre. (NLB/CIO/photos by Rod Constantino/CIO)