NAPAHIMUSLAN sa mga residente ang nagkadaiyang serbisyo-medikal sa lain na usab nga hugna sa SurUy-SurUy sa Baryo: Klarex nga Serbisyo sa Panlawas nga programa sa administrasyon ni City Mayor Rolando ‘Klarex’ Uy nga gipahigayon Septyembre 12, 2024 sa Centro, Iponan ning syudad.

 

Miduyog usab sa SurUy-SurUy sa baryo ang KapKik caravan ni Barangay Carmen Kapitan Rainer Joaquin ‘Kikang’ Uy, nga nagdala usab og kalingawan pinaagi sa singing contest alang sa mga senior citizens, pagpanghatag og mga cupcakes, ice-cream ug popcorn sa mga misalmot sa programa.

 

Samtang gitunol usab sa kadagkoan sa Philhealth pinaagi ni Mr. Marlon Niño S. Arrabaca, hepe sa Local Health Insurance Office – CDO, ug Mr. Abdul Obedi S. Alip, Social Insurance Officer III, kauban si Ms. Roxxane Mae Ravidas, OIC sa City Health Insurance Office (CHIO), ang mokabat sa 1,832 ka mga Philhealth cards ug member data records sa mga Philhealth beneficiaries sa Iponan.

 

Midawat usab sa libreng birthday cake ang mga senior citizens sa Iponan nga nagsaulog sa ilang adlaw’ng natawhan karong bulan sa Septyembre.

 

Ang SurUy-Suruy sa Baryo: Klarex nga Serbisyo sa Panlawas program ginapahigayon matag adlaw’ng Martes ug Huwebes matag semana pinaagi sa CHIO, City Health Office, JR Borja General Hospital, City Disaster Risk Reduction and Management Department kauban ang suporta sa mga barangay. (AGP/Photos by Kim Zaldivar/CIO