GILUSAD sa City Scholarship Office ang Relevant Industry Skills for Employment -Artificial Intelligence (RISE-AI) scholarship karong adlawa, Septiyembre 16.

 

Ang RISE-AI scholarship alang sa mga Out-of-School youth (OSYs) ug wala’y trabaho nga nag-edad og 18 anyos pataas sa tinguha nga mahatagan og kahigayonan ang interesado nga makatuon og special skills.

 

Ang RISE-AI usa ka fully-funded scholarship program nga nakatutok sa AI technology alang sa drone operations ug engineering.

 

Kini oportunidad alang sa aspiring innovators nga gustong makatuon sa drone technology, gikan sa design and development padulong sa advanced AI applications, pinaagi sa hands-on technical training.

 

Gikinahanglan lamang nga permanent resident ug registered voter sa Cagayan de Oro City ang mo-apply; migradwar sa Junior High School (Grade 10) or its equivalent; annual family income dili molapas sa P300,000; dili recipient sa bisan unsang scholarship program ug wala na-enroll o ni-drop/withdraw sa bisan unsang TVET scholarship.

 

Gikinahanglan usab nga naa’y kahibalo sa basic computer skills.

 

Lakip sa scholarship coverage ang training cost, national assessment fee ug monthly allowance/training support fund.

 

Mahimong mag-apply niini online pinaagi niini nga link: bit.ly/RISEAIApply2024.

 

Kini abri hangtud Septiyembre 27.

 

Gani man, nag-abiso ang CSO nga dili dawaton ang requirements kon wala naka-online application.

 

Alang sa dugang kasayuran, mahimong mobisita sa ilang page: CDO City Scholarships Office fb page. (NLB/CIO/City Scholarships Office). #CDORISETAI2024 #SaPagUswagKaubanTaUy #RISECDO