GIKALIPAY karon sa J.R. Borja General Hospital nga maka-akomodar na og mas daghan nga mga pasyente human nga anaa na sa 250 bed-capacity ang maong hospital gikan sa 175 bed-capacity kaniadto.

 

Kini human gipahigayon ang pagbisita sa Licensing Inspection and Monitoring Team sa Department of Health ngadto sa JRBGH aron pagsuta sa mga pasilidad niini.

 

Ang dugang kalampusan na usab sa maong hospital gikalipay ni Mayor Klarex Uy tungod kay daghan na ang maalagaran ilabina sa panginahanglanong medical sa mga Kagay-anon ug pagpalambo sa serbisyo sa JRBGH ngadto sa mga katawhan.

 

Dako usab ang pasalamat sa JRBGH sa pagpangulo ni Dr. Michael June Perez ngadto kang Mayor Rolando Klarex Uy sa kanunay nga suporta ug mga programa alang sa JRBGH. (GB/CIO Photos by JRBGH)